ඇට්ටේරියා මල්

මතකද

අපේ පුංචි බංකුව...

ඔයයි මමයි

ලස්සන උදේ වරුවක

මේ බංකු‍‍වේ ඉදගෙන

පුංචියට දලු දාල නැගිටින 

ඇට්ටේරියා ගහ දිහා බලාගෙන හිටියා...

මේ බංකුව උඩම ඉදගෙන 

පුංචි ඇට්ටේරියා පොට්ටු දිහා 

ආදරෙන් බලාගෙන උන්නා...

ඒ පොහොට්ටු හෙමිහිට දිගෑටිලා

පුංචි මලක් වෙන හැටි.,

ඇට්ටේරියා සුවද එක්ක විදගත්තා

මතකද...

ඇට්ටේරියා මල් අහුරක් අරගෙන 

ඔයා මගෙ මූනට විසිකලා...

එක කාළකන්නි හැන්දෑවක.,

එක දිගට වැහැපු 

අනෝරා වැස්සට.,

පුංචි පුංචි පෙති බිම වැටිල

මඩ වතුරට ගහගෙන ගියා

මතකද...

මතකද මේ බංකුව උඩ

අපි ගොඵ වෙලා බලං හිටියා...

අද...

ඔයයි මමයි මේ බංකුවයි විතරයි

ඔයා අහනවා මාව මතකද කියලා....